مش عارفة ايه الى ممكن يدخل قلبى اكتر من؟؟ بستغرب انى ضعيفة اوى ادامك..لكن قوية اوى بيك

غبية انا ادلمك..بتصرف زى الأطفال..لكن فى كلامى معاك ببان كبيييرة عجوزة..وبنصح بقى ..

بعشق الكلام عنك..وانى اجيب سيرتك..لكن للاسف بخبيك جوا كواليس حياتى ..

نفسى اقف على جبل عالى أوى واقول بحببببببببببببببببببببببك...واشوفك لما تضحك وتقول عليا مجنونة..

كل مرة بشوف عينيك بحس ان الدنيا صغرت اوى..بقت اد عينيك بس..ومفيش حد حوالينا ومش بسمع اى صوت ولا احس بأى حركة..

لا لا... الدنيا بتبقى واسعة اوى كلها الوان وجمال وأمااااااااان..

لا مش امان..ده خوف..خوف اوى..نفسى اترمى فى حضنك وابكى اوى ..لا.. بحس ساعات انى حلاقيه بارد اوى ..كله خوف وقلق وتعب..

وصدقنى انا مش ناقصة اى شىء..

بس تعرف ..مستنية بكرة اوى..عشان بحبك اوى

دايما بقولك انك عمرى..ايوة انت عمرى كله..مش فاكرة الى قبلك كان ايه..لاأنا فاكرة..كانت ايام فيها ذكريات صحيح..بس عادى يعنى ..حياتى بدايتها عندك..

ونهايتها عندك برده..

بس كده..

لا مش بس ..:)